Indo-U.S கல்விசார் ஒத்துழைப்பை வலுப்படுத்த Campus USA மற்றும் Judson University புரிந்துணர்வு ஒப்பந்தம்!
Indo-U.S கல்விசார் ஒத்துழைப்பை வலுப்படுத்த Campus USA நிறுவனர் திரு. ஹரிஷ் அனந்தபத்மனாபன் மற்றும் Judson University நிர்வாக துணைத் தலைவர் டாக்டர் நிக்கி ஃபென்னெர்ன், இயக்குனர் டாக்டர் டானா ஒனயேமி ஆகியோர் முன்னிலையில் புரிந்துணர்வு ஒப்பந்தம் கையெழுத்தானது.
சென்னை, நுங்கம்பாக்கத்தில் உள்ள ரயில்வே ஆஃபீசர்ஸ் கிளப்பில், மிகச்சிறந்த Indo-US கல்வி ஏற்பாட்டாளரான Campus USA, அமெரிக்காவின் இல்லினாய்ஸில் உள்ள Judson Universityயுடன் இணைந்து, இந்திய மாணவர்களுக்கு சர்வதேச அளவிலான வாய்ப்புகளை உருவாக்கும் நோக்கில், கல்வி ஒத்துழைப்பு முயற்சியை அறிவித்தது.
இந்த கூட்டாண்மை மற்றும் ஒத்துழைப்பு,
சென்னையில் உள்ள முன்னணி நிறுவனங்களுடன் புரிந்துணர்வு ஒப்பந்தம் மூலம் கல்வி கூட்டாண்மை, ஆராய்ச்சி ஒத்துழைப்பு மற்றும் மாணவர் பரிமாற்ற திட்டங்களை வளர்ப்பது,உலகளாவிய தொழில் நுட்ப தேவைகளுக்கு ஏற்ப செயற்கை நுண்ணறிவு, சைபர் பாதுகாப்பு மற்றும் ரோபாட்டிக்ஸ் உள்ளிட்ட வளர்ந்து வரும் துறைகளில் கவனம் செலுத்துவதற்காக சிறப்பு மையங்களை நிறுவவது,
இந்தியா மற்றும் U.S. இடையே இரட்டை பட்டப்படிப்பு திட்டங்கள், பயிற்சி வாய்ப்புகள் மற்றும் ஆசிரியப் பரிமாற்ற முயற்சிகள் தொடங்குவது உள்ளிட்டவற்றை குறிக்கோளாகக் கொண்டது. குறிப்பாக, மே 3 ஆம் தேதி சென்னை அக்கார்டு மெட்ரோபாலிடனில் “Study in the USA” நிகழ்வு மூலம் மாணவர்கள் Judson University அதிகாரிகளுடன் நேரடியாக உரையாடவும், உயர்கல்வி வாய்ப்புகளை ஆராயவும், உதவித்தொகை தேர்விகளுடன் ஸ்பாட் சேர்க்கைகளைப் பெறவும் ஏற்பாடு செய்யப்பட்டுள்ளது.
இந்நிகழ்ச்சியில், Judson University நிர்வாக துணைத் தலைவர், டாக்டர். நிக்கி ஃபென்னெர்ன், Judson Universityயின் கணினி அறிவியலில் பட்டதாரி திட்டங்களின் இயக்குநர், டாக்டர். டானா ஒனயேமி, Campus USA வின் நிறுவனர் மற்றும் தலைமை நிர்வாக அதிகாரி, திரு. ஹரிஷ் அனந்தபத்மனாபன் உள்ளிட்டோர் கலந்துகொண்டு சிறப்பித்தனர்.
இந்த ஒத்துழைப்பு சென்னையின் வளர்ந்து வரும் திறமைக்கும் உலகத் தரம் வாய்ந்த உலகளாவிய வாய்ப்புகளுக்கும் இடையிலான ஒரு பாலமாகும் என, ஹரிஷ் அனந்தபத்மனாபன் தெரிவித்தார்.
சர்வதேச கல்வி மற்றும் தொழில் வெற்றியை அடைய மாணவர்களுக்கு வாய்ப்புகளை உருவாக்குவதில் மகிழ்ச்சியடைவதாக இந்த கூட்டாண்மை மூலம் அறிவிக்கப்பட்டது. Campus USA மற்றும் Judson University உலகளாவிய கல்வியின் எதிர்காலத்தை வடிவமைக்கும் புதிய கூட்டாண்மைகளை உருவாக்க முன்னோக்கிய பயணத்தை மேற்கொள்கின்றனர்.
