நரிவேட்டை சினிமா விமர்சனம் : அரசியல் அதிகார துஷ்பிரயோகத்தின் அழியாத காலத்தின் பதிவேடு | ரேட்டிங்: 3.5/5
இந்தியன் சினிமா கம்பெனி சார்பில் திப்பு ஷான், ஷியாஸ் ஹாசன் தயாரித்திருக்கும் நரிவேட்டை படத்தை எழுதி இயக்கியிருக்கிறார் அனுராஜ் மனோகர்.
இதில் டொவினோ தாமஸ், சுராஜ் வெஞ்சாரமூடு, சேரன், பிரியம்வதா கிருஷ்ணன், ஆர்யா சலீம், பிரசாந்த் மாதவன், ப்ரணவ் தியோஃபைன், நந்து, கிருஷ்ணன் பாலகிருஷ்ணன், சுதி கேலிகட், ரினி உதயகுமார், அப்புன்னி சசி, குமார் சேது, உன்னி கிருஷ்ணன், வினோத் போஸ், தொம்மன் மற்றும் பலர் நடித்துள்ளனர்.
படக்குழுவினர்கள் : எழுத்து : அபின் ஜோசஃப், இசை : ஜேக்ஸ் பிஜாய், ஒளிப்பதிவு : விஜய், கலை இயக்கம் : ஆ பவா, சண்டைப் பயிற்சி: ஃபீனிக்ஸ் பிரபு, அஷ்ரசூஃப் குருக்கள், படத்தொகுப்பு : ஷமீர் முஹமத், ஆடைகள் : அருண் மனோகர், நடன இயக்கம் : ஸ்பிரிங், படங்கள் : ஷைன் சபூரா, ஸ்ரீராஜ் கிருஷ்ணன்,தயாரிப்பு ஒருங்கிணைப்பாளர்: சாகேர் {ஹசைன், தயாரிப்பு நிர்வாகி : பிரதாபன் கள்ளியூர், மக்கள் தொடர்பு : ரியாஸ் அஹ்மத், பாரஸ் ரியாஸ்.
வயநாட்டில் போலீஸ்காரர் வர்கீஸ் (டோவினோ தாமஸ்) தன் சக போலீஸ்காரர்கள் வளைத்து பிடிக்கப்பட்டு விசாரணைக்கு அழைத்துச் செல்லப்படுகிறார். வர்கீஸ் ஏன் கைது செய்யப்படுகிறார் என்பதும், அவரின் பார்வையில் கதைக்களம் விரிவடைகிறது. வர்கீஸ் பீட்டர் போலீஸ் வேலை பிடிக்கவில்லை என்றாலும் தனது குடும்பத்தின் பொருளாதார நிலையை கருத்தில் கொண்டு போலீஸ் கான்ஸ்டபிள் வேலையை ஏற்றுக்கொள்கிறார். அறிமுகமில்லாத வேலையில் ஒரு சக ஊழியரான பஷீர் அகமது (சுராஜ் வெஞ்சரமூடு) நட்பு ஏற்பட்டு வர்கீஸை தனது பிரிவின் கீழ் அழைத்துச் சென்று போலீஸ் வாழ்க்கை முறையை பழக்கப்படுத்துகிறார். கேரளாவில் உள்ள வயநாட்டில் காட்டுப்பகுதியில் வசிக்கும் பழங்குடி மக்கள் அரசாங்கத்தால் நிலையான வேலை, நிலம் வழங்கப்படாததால் தங்களின் உரிமைகளுக்காக குரல் கொடுத்தும், பழையபடி தங்கள் வாழ்விடங்களுக்கு குடியேறும் முயற்சிக்காக முத்தங்கா ரிசர்வ் பகுதியில் ஒன்று கூடி போராட்டம் நடத்துகிறார்கள்.அங்கு பதட்டத்தை தணிக்க போலீஸ் அதிகாரி சேரன் தலைமையில் வர்கீஸ், பஷீர் டீமை அரசாங்கம் அனுப்புகிறது.இந்நிலையில், பழங்குடி மக்கள் தங்கள் போராட்டத்தை கைவிடாததால் போலீஸ் அதிகாரி சேரன் அரசியல் தலைவர்களின் அழுத்தத்தால் தன் தந்திர புத்தியை பயன்படுத்தி காவலர் பஷீரை கொன்று, அந்த பழியை பழங்குடி மக்கள் மீது சுமத்துகிறார்.இந்த உண்மையை அறியும் வர்கீஸ் பீட்டர் உயர் அதிகாரிகளிடம் வாக்குவாதம் செய்யும் போது பழங்குடி மக்களுக்கும், காவல்துறைக்கும் இடையே பெரும் மோதல்கள் வெடிக்கிறது. அதன் பின் என்ன நடந்தது? வர்கீஸ் பீட்டர் என்ன பாதிப்புக்குள்ளானார்? போலீசிடமிருந்து தப்பிக்க முடிந்ததா? பழங்குடி மக்களுக்கு நீதி கிடைத்ததா? என்பதே நரி வேட்டை படத்தின் முடிவு.
டோவினோ தனது ஹீரோ பிம்பத்தை முற்றிலுமாக மறந்து இந்தப் படத்தில் முதலில் கவலையில்லா மனிதராக பின்னர் பொறுப்பை உணர்ந்து கான்ஸ்டபிளாக பயம், கோபம், பரிதவிப்பு என்று உணர்ச்சிகளின் பிம்பமாக ஒடுக்கப்பட்டவர்களின் சார்பாக உரிமைக்கு குரல் கொடுக்கும் ஆக்ரோஷ இளைஞனாக வாழ்ந்திருக்கிறார்.
சுராஜ் வெஞ்சாரமூடு கான்ஸ்டபிளாக படத்தில் உண்மையிலேயே ஒரு முக்கியமான கதாபாத்திரம். இந்தப் படத்தில் டிஐஜி கேசவதேவ் வேடத்தில் நடிக்கும் நடிகர் சேரன், தனது வழக்கமான மென்மையான பாணியில் வலம் வந்து பின்னர் வில்லனாக மாறும் போது முதிர்ச்சியான நடிப்பை வெளிப்படுத்தியுள்ளார். வரலாற்றை மறக்காதவர்களால் நினைவில் கொள்ளப்படும் ஒரு கதாபாத்திரமாக ஆர்யா சலீம் ஒரு சிறந்த நடிப்பை வழங்கியுள்ளார்.
பிரியம்வதா கிருஷ்ணன், பிரசாந்த் மாதவன், ப்ரணவ் தியோஃபைன், நந்து, கிருஷ்ணன் பாலகிருஷ்ணன், சுதி கேலிகட், ரினி உதயகுமார், அப்புன்னி சசி, குமார் சேது, உன்னி கிருஷ்ணன், வினோத் போஸ், தொம்மன் உட்பட அனைவரின் சித்தரிப்பு படத்தின் நம்பகத்தன்மையை மெய்ப்பித்திருக்கிறது.
விஜய் ஒளிப்பதிவில் உள்ள மஞ்சள் நிறங்கள் மற்றும் பிரகாசமான முரண்பாடுகள் படத்திற்கு கலாச்சார ரீதியாக குறிப்பிட்ட காட்சிக் கோணங்களை வழங்குகின்றன. ஆவணப்படம் போன்ற அழகியல் காட்சிகள் மற்றும் நேர்த்தியான படங்களுக்கிடையேயான உள்ளார்ந்த பதற்றம் மற்றும் வெளிப்பாடுகள் சிறப்பாக காட்சிப்படுத்தப்பட்டுள்ளது.
மிகவும் தீவிரமான ஒரு விஷயத்தை சித்தரிக்கும் அதே வேளையில் அதன் தயாரிப்பு தரத்தில் சமரசம் செய்யாத வகையில் இசையமைத்த ஜேக்ஸ் பிஜாய், படத்தொகுப்பாளர் ஷமீர் முகமது, கலைப் பணிகளைச் செய்த பாவா ஆகியோரின் பங்களிப்புகளும் அற்புதமாகப படத்தின் காட்சிகளுக்கு உயிர் கொடுத்து பிரதிபலிக்கின்றன.
கேந்திர சாகித்ய அகாடமி விருது பெற்ற அபின் ஜோசப்பின் எழுத்துதான் இந்தப் படத்தின் முதுகெலும்பு என்று சொல்லலாம். காலகட்டம் 2003 என்றாலும், படம் கேரளா கண்ட மிகப்பெரிய பழங்குடிப் போராட்டங்களில் ஒன்றின் பின்னணியைக் கொண்டுள்ளது. ஆனால் படம் அதை அப்படியே காட்டும் ஆவணப்பட பாணியில் சித்தரிக்கவில்லை. பழங்குடியினரின் நிலம் என்ற சமூகப் பிரச்சினையை முன்னணியில் வைத்துக்கொண்டு, சமூகத்தில் ஓரங்கட்டப்பட்டவர்களை அரசு எவ்வாறு ஒடுக்க முயல்கிறது என்பதை இந்தப் படம் தெளிவாகச் சித்தரிக்கிறது. தவறான நியாயமற்ற அரசாங்கம் மற்றும் நிர்வாக மேற்பார்வைகள் ஆகியவற்றின் பல நிகழ்வுகளை இந்த படம் வெளிச்சம் போட்டுக் காட்டுகிறது, கேரள வரலாற்றின் கடுமையான அத்தியாயத்திலிருந்து மன்னிக்க முடியாத காயத்தை தைரியமாக அம்பலப்படுத்துகிறது, மேலும் பல இழந்த உயிர்கள் மற்றும் இழந்த குரல்களின் சரியான நேரத்தில் நினைவூட்டலாக செயல்படுத்தியதில் முழுவதும் நிறைவாக கொடுத்துள்ளார் இயக்குனர் அனுராஜ் மனோகர்.
மொத்தத்தில் இந்தியன் சினிமா கம்பெனி சார்பில் திப்பு ஷான், ஷியாஸ் ஹாசன் இணைந்து தயாரித்திருக்கும் நரிவேட்டை ஆழமான, உணர்வுபூர்வமான பழங்குடி மக்களின் வலிகளை மீண்டும் நினைவுபடுத்தும் அரசியல் அதிகார துஷ்பிரயோகத்தின் அழியாத காலத்தின் பதிவேடு.
