படவெட்டு சினிமா விமர்சனம் : படவெட்டு ஒரு சமூக-அரசியல் மாற்றத்தை முன்னெடுக்கும் திரில்லர் | ரேட்டிங்: 3.5/5

0
106

படவெட்டு சினிமா விமர்சனம் : படவெட்டு ஒரு சமூக-அரசியல் மாற்றத்தை முன்னெடுக்கும் திரில்லர் | ரேட்டிங்: 3.5/5

‘படவெட்டு’ ஒரே நேரத்தில் அரசியல் படமாகவும், சர்வைவல் த்ரில்லர் படமாகவும் உருவாகியுள்ளது. கட்சி அரசியல் மூலம் நிலம் மற்றும் அதிகாரம் தொடர்பான தீவிர அரசியல் பிரச்சினைகளை பேச முயற்சிக்கிறது படம்.

‘நமக்கென்று ஒரு திட்டம் இல்லையென்றால், மற்றவர்கள் நம்மைத் தங்களுக்காகப் பயன்படுத்திக் கொள்வார்கள்’. ‘படவெட்டு’ படத்தின் நாயகன் ரவி (நிவின் பாலி) வட மலபாரில் உள்ள மாலூர் கிராமத்தின் மண்ணில் நின்று, தான் என்ன, தன்னைச் சுற்றி என்ன நடக்கிறது என்பதை உணர்ந்து சொல்லும் வாக்கியம் இது. ரவி ஒரு இளைஞன், வேலையில்லாதவன். மாடு வளர்த்து கிடைக்கும் சொற்ப வருமானத்தில், கசியும் வீட்டில், அவமதிப்பும் பெற்று, ஒரு கோப்பை தேநீரைக்கூட மிச்சப்படுத்தத் துணியாமல், தன் அத்தை புஷ்பாவின் நிழலில் வாழ்கிறான். அவருக்குப் பின்னால் வேறு கதை இருக்கிறது. ரவி ஒரு கட்டத்தில் ஒளிமயமான எதிர்காலத்தைக் கொண்டிருந்தவர்.விளையாட்டுப் பாதையில் சிறந்த தடகள நட்சத்திரமாக இருந்த ரவி, ஒரு விபத்துக்குப் பிறகு மனதளவிலும், உடலளவிலும் பாதிக்கப்பட்டு சலிப்பு உடலை விட மனதை பாதித்து சோம்பேறியாக்க அவரது அத்தை உட்பட மற்றவர்களை மேலும் இழிவாக பார்க்க வைக்கிறது. ரவியின் இருப்பையோ கருத்தையோ எங்கும் யாரும் பொருட்டாக கருதுவதில்லை. இந்நிலையில், குயாலி (ஷம்மி திலகன்) ஒரு சூழ்ச்சி அரசியல்வாதி, தனது கட்சியின் ஆதரவுடன், தனது கிராமத்தில் காலூன்ற முடிவு செய்யும் போது, ரவியின் பாழடைந்த வீட்டை தனது துருப்புச் சீட்டாகப் பயன்படுத்த முடிவு செய்கிறார். குயாலி தனது சேவைத் திட்டத்தின் ஒரு பகுதியாக சுயநல நோக்கங்களுக்காக, ரவியின் வீட்டைப் புதுப்பிக்க முடிவு செய்த பிறகு, ரவியின் வாழ்க்கையில் ஒரு திருப்பம் ஏற்படுகிறது அந்தச் சம்பவத்தின் அவமானம் ரவியை சிறந்த விவசாயியாக மாற்றுகிறது, அந்த மாற்றம் எப்படி நிகழ்கிறது என்பதை நாம் படவெட்டில் பார்க்கிறோம்.

அரசியல் படமாக உருவாகியிருக்கும் படவேட்டில் நிவின் பாலி தனது சிறந்த நடிப்பை வெளிப்படுத்தியுள்ளார். உடல் மொழி, உடலமைப்பு, மனோபாவம் என அனைத்திலும் நிவின் பாலி ரவியின் மோல்டுக்கு ஏற்றவாறு, பல அழுத்தமான காட்சிகளில் தன் ஸ்க்ரீன் பிரசன்ஸால் காட்சியை அடக்கி வைத்திருக்கிறார்.

குயாலி என்ற அரசியல் வாதியாக ஷம்மி திலகன் தனது அட்டகாசமான நடிப்பை வெளிப்படுத்தியிருக்கிறார்.

நிவின் பாலியின் சித்தியாக நடிக்கும் ரம்யா சுரேஷ் மற்றொரு முக்கிய வேடத்தில் சிறப்பாக நடித்துள்ளார்.

ஷினே டாம் சாக்கோ, அதிதி பாலன், இந்த்ரன்ஸ், விஜயராகவன், சுதீஷ், சன்னி வெய்ன் ஆகியோர் குறிப்பிடத் தகுந்த மற்ற கதாபாத்திரங்கள்.

கோவிந்த் வசந்தாவின் அதிரும் இசையில் படத்தின் காட்சிகளைப் பிரதிபலிக்கும் பல்வேறு வகையான கருப்பொருள்களுக்கு உயிர் கொடுத்துள்ளது. பின்னணி இசையில் இருந்து ரங்கநாத் ரவியின் சவுண்ட் டிசைனிங், பங்கும் அற்பமாக கையாளப்பட்டுள்ளது. படத்தின் கதைக்களம் மற்றும் கிராமத்து அழகுடன் பொருந்திய பாடல்களும், டீபுஆகளும் படத்திற்கு மேலும் வசீகரம் சேர்க்கிறது.

தீபக் மேனனின் ஒளிப்பதிவு அழகான பிரேம்கள் மற்றும் காட்சியமைப்புகள் நிறைந்துள்ளது.

படவெட்டு ஒரு கிராமத்தில் உள்ள ஒரு சில சாதாரண மக்களின் கதை. மோதல், போராட்டம், பிழைப்பு போன்ற கருத்துகளை படவேட்டின் மூலம் உயிர் கொடுத்து பார்வையாளர்கள் முன் கொண்டு வந்திருக்கிறார் எழுத்தாளரும் இயக்குநருமான லிஜு கிருஷ்ணா. மிகத் தீவிரமான திரைக்கதையுடன் மெதுவாக முன்னேறும் இந்தப் படம், பார்வையாளர்களை உணர்வுப்பூர்வமாக கதையின் பின்னணியில் உடனடியாக இழுத்துச் செல்கிறது. ரவி என்ற கதாபாத்திரத்தின் உணர்வுபூர்வமான வளர்ச்சியையும், அவர் கடந்து செல்லும் மாற்றங்களையும், நமது சமூகத்தில் நடக்கும் சில விஷயங்களையும் லிஜு கிருஷ்ணா முன்வைத்துள்ளார். ரவியின் வலி, காதல், பின்னடைவு, பிழைப்பு, ரவி முன்வைத்த புரட்சிக் கருத்துகள் என அனைத்தையும் ஆழம் குறையாமல் முன்வைத்திருப்பதோடு, ஆரம்பம் முதல் இறுதி வரை ரசிகர்களை மகிழ்விக்கும் வகையில் படத்தைத் லைம்லைட்டிற்கு கொண்டு வந்திருக்கிறார் லிஜு கிருஷ்ணா.

மொத்தத்தில் சன்னி வெய்ன் புரொடக்ஷன்ஸ் மற்றும் யோட்லீ பிலிம்ஸ் இணைந்து தயாரித்துள்ள படவெட்டு ஒரு சமூக-அரசியல் மாற்றத்தை முன்னெடுக்கும் திரில்லர்.