சுவாமி தயானந்த கிருபா இல்லத்தில் உலக மாற்றுத்திறனாளிகள் மாதத்தை முன்னிட்டு நடைபெற்ற அகன்ஷா 2024 நிகழ்ச்சி – திருமதி.ஷீலா பாலாஜி, Dr.ஈ.எஸ்.கிருஷ்ணமூர்த்தி, திரு.ஆர்.வி. கிரிதர் உள்ளிட்டோர் முன்னிலையில் மிகச்சிறப்பாக நடைபெற்றது.
காஞ்சிபுரம் மாவட்டம், ஶ்ரீபெரும்புதூர் அருகே மடுவான்கரையில் உள்ள சுவாமி தயானந்த கிருபா இல்லத்தில் நடைபெற்ற இந்நிகழ்ச்சியில் AIM for Seva அமைப்பின் தலைவர், நிர்வாக அறங்காவலரான திருமதி. ஷீலா பாலாஜி வரவேற்புரை வழங்கினார். புத்தி கிளினிக் மற்றும் நியூரோகிரிஷ் ஃபவுண்டேஷன் நிறுவனத்தின் நிறுவனர், Dr. ஈ.எஸ். கிருஷ்ணமூர்த்தி சிறப்புரையாற்றினார். பின்னர், சுவாமி தயானந்த கிருபா இல்லத்தின் தலைமை செயல் அதிகாரி திரு. ஆர்.வி. கிரிதர் “கிருபா இல்லத்தில் வாழ்க்கை” என்ற தலைப்பில் உரை ஆற்றினார்.
இந்த நிகழ்ச்சி விருந்தினர்களுக்கு “கிருபாவில் ஒரு நாள்” என்ற தனித்துவமான அனுபவத்தை வழங்கியது. அவர்கள் கிருபா இல்லத்தவர்களுடன் நேரடியாக உரையாடி, பல்வேறு செயல்பாடுகளில் பங்கேற்று அனுபவங்களைப் பகிர்ந்து கொண்டனர். இந்நிகழ்ச்சியில் விளையாட்டு சிகிச்சை, கலை சிகிச்சை, டை-டையிங் (ஜவுளி சாயமிடும்) கலை, தையல், வடிவங்கள் அச்சிடும் செயல்முறை, நெசவு, காகிதப் பை தயாரித்தல் மற்றும் பூ சாம்பிராணி தயாரித்தல் போன்ற பல வகையான சிகிச்சை செயல்பாடுகள் விளக்கப்பட்டன.
மேலும், வளர்ச்சி குறைபாடுகள் கொண்டவர்களுக்கு இந்த வகையான திட்டமிடப்பட்ட செயல்பாடுகளின் ஆழமான முக்கியத்துவம் மற்றும் அவசியம் பற்றிய உரையாடல்களும் நிகழ்ச்சியில் இடம்பெற்றன. கிருபா இல்லத்தினரின் பெற்றோர்களின் அனுபவங்களைப் பகிர்ந்துகொள்வதும் நிகழ்ச்சியில் இடம்பெற்றது.
எதிர்காலத்தில், அகன்ஷா நிகழ்ச்சி வருடந்தோறும் டிசம்பர் மாதத்தில் நடைபெறவுள்ளது.
சுவாமி தயானந்த கிருபா இல்லம்
சுவாமி தயானந்த கிருபா இல்லம் (AIM for Seva வின் பிரிவு), 1998-ஆம் ஆண்டு பூஜ்ய சுவாமி தயானந்த சரஸ்வதியால் நிறுவப்பட்டது. இது, வளர்ச்சி குறைபாடுகள் கொண்ட ஆண்களுக்கு பாதுகாப்பான, ஆதரவான சூழலை வழங்குவதற்காக உருவாக்கப்பட்ட முதன்மை இல்லமாகும். இந்த இல்லம், வளர்ச்சி குறைபாடுகள் கொண்ட குழந்தைகளின் பெற்றோர்களின் உணர்வுகளையும், அவர்களுடைய வாழ்க்கை முறை சிரமங்களையும் கண்காணித்து, அவர்களின் கவலைகளை தீர்க்கும் நோக்கத்துடன் தொடங்கப்பட்டது.
தனிப்பட்ட அன்றாட செயல்பாடுகளிலிருந்து நிபுணத்துவ மருத்துவ உதவிகளுக்கு மேற்பார்வை அளிக்கும் வரை, பெற்றோர்களும் பராமரிப்பாளர்களும் பல சிரமங்களை எதிர்கொள்கின்றனர். குறிப்பாக, தங்கள் வாழ்நாளுக்குப் பிறகு தங்கள் குழந்தைகளை யார் கவனித்துக்கொள்வார்கள் என்ற கேள்வி எப்போதும் அவர்களுக்குள் இருக்கிறது. இந்த கேள்விக்கான தீர்வாக, பூஜ்ய சுவாமிஜி கிருபா இல்லத்தை உருவாக்கினார். அதற்கான நிலத்தை திருமதி. சரோஜ் கோயங்கா நன்கொடையாக வழங்கினார்.
இன்று, சுவாமி தயானந்த கிருபா இல்லம், 18 முதல் 65 வயதுக்கிடையிலான வளர்ச்சி குறைபாடுகள் கொண்ட ஆண்களுக்கு, 10 ஏக்கர் பரப்பளவில் அமைந்த பசுமையான வளாகத்தில் மிகச் சிறந்த பரிவுணர்வோடு பராமரிப்பை வழங்குகிறது. தற்போது, இங்கு 40 பேர் வசித்து வருகின்றனர்.
எய்ம் ஃபார் சேவா (AIM for Seva)
2000-ஆம் ஆண்டில் பூஜ்ய சுவாமி தயானந்த சரஸ்வதியால் நிறுவப்பட்ட அகில இந்திய சேவை இயக்கம் (AIM for Seva) என்பது ஒரு பதிவுசெய்யப்பட்ட பொது தொண்டு அறக்கட்டளையாகும். சமூகத்தில் மாற்றத்தை உருவாக்கும் நோக்கத்துடன் செயல்படும் இந்த அமைப்பு, 2001-ஆம் ஆண்டு இலவச மாணவர் விடுதிகள் தொடங்கியது, இது ஏழை கிராமப்புறங்கள் மற்றும் பழங்குடி சமூகங்களைச் சேர்ந்த குழந்தைகளுக்கு கல்வி மற்றும் சிறந்த வாழ்க்கை வாய்ப்புகளை வழங்கும் இலக்கை கொண்டுள்ளது. கடந்த இரு தசாப்தங்களாக AIM for Seva இந்தியாவின் பல்வேறு பகுதிகளில் இருபது மில்லியனுக்கும் மேற்பட்ட மக்களின் வாழ்க்கையை மேம்படுத்தி, அதன் தொண்டு பணிகளை தொடர்ந்து விரிவாக்கி வருகிறது.
To know more, please visit https://aimforseva.in/swami-
Swami Dayananda Krupa Home located at Thiruvallur Road, Maduvankarai, Sriperumbudur, Kancheepuram – 602105 (Adjacent to Kshetropasna)
