டி. ஜி யுனிவர்சல் சார்பில் பாபி பாலச்சந்திரன் தயாரித்திருக்கும் சென்னை சிட்டி கேங்ஸ்டர்ஸ் படத்தை எழுதி இயக்கியிருக்கிறனர் விக்ரம் ராஜேஷ்வர் மற்றும் அருண் கேசவ்.

இதில் வைபவ், அதுல்யா ரவி, மணிகண்டா ராஜேஷ், ஆனந்த் ராஜ், இளவரசு, ஜான் விஜய், ரெடின் கிங்ஸ்லி, மொட்டை ராஜேந்திரன், சுனில் ரெட்டி, லிவிங்ஸ்டன், பிபின், ஷிஹான் ஹ{சைனி, சூர்யா கணபதி, சாம்ஸ் மற்றும் பலர் நடித்துள்ளனர்.

தொழில்நுட்ப கலைஞர்கள் :-வியூகத் தலைமையாளர் : டாக்டர் மனோஜ் பெனோ, இசை : டி. இமான, பாடல் வரிகள் : கார்த்திக் நேத்தா, கருணாகரன், சூப்பர் சுப்பு, ஆஃப்ரோ, ஒளிப்பதிவு : டிஜோ டோமி, படத்தொகுப்பு : சுரேஷ்  யு  பிரசாத், தயாரிப்பு வடிவமைப்பாளர் : அருண்சங்கர் துரை, ஆடை வடிவமைப்பு : தக்ஷா தயாள், ஒப்பனை : அப்துல்லா,சண்டைப் பயிற்சி : ‘டான்’ அசோக், நடனம் : அஜய் ராஜ், தயாரிப்பு கட்டுப்பாட்டாளர் : மணிகண்டன், தயாரிப்பு நிர்வாகி : வேணுகோபால், மக்கள் தொடர்பு : ரியாஸ் கே அஹ்மத், பாரஸ் ரியாஸ்

கேங்ஸ்டர் முதலாளியான சலீமிடம் (ஷிஹான் ஹ{சைனி) அடியாளாக வேலை செய்து அதன் பின் தனியாக சட்டவிரோத செயல்களை செய்கிறார் பசுபதி (லிவிங்ஸ்டன்). ஒரு சமயம் தன்னை போலீசிடமிருந்து காப்பாற்றும் அனாதை சிறுவர்களான பாண்டி (வைபவ்) மற்றும் பூச்சி (மண​pகண்டன்) இருவரையும் மகன்களாக பாவித்து வளர்கிறார். இளைஞர்களான பிறகு பாண்டியும், பூச்சியும் சின்ன திருட்டுக்களை செய்து சிக்கினால், பசுபதி தன் செல்வாக்கை வைத்து இவர்களை மீட்பார்.  பசுபதியின் வெளிநாட்டில் படித்த மகள் ஜென்னியை (அதுல்யா ரவி) ஒரு தலையாக காதலிக்கிறார் பாண்டி. இந்நிலையில் சலீம் குறுகிய காலத்தில் பணம் சம்பாதிக்க காப்பீட்டு தொகை பெற தன் வீட்டில் பணம், நகைகளை கொள்ளையடிக்குமாறு பசுபதியிடம் திட்டம் வகுத்து கொடுக்கிறார். பசுபதி முதலாளி மீது இருக்கும் விசுவாசத்தால் பாண்டியையும், பூச்சியையும் பணம், நகையை கொள்ளையடிக்க அனுப்புகிறார். அவர்கள் கொள்ளையடித்த பின் தலைமறைவாக இருந்து பின்னர் காப்பீடு தொகை சலீம் பெற்றவுடன் திருடிய பணத்தை திருப்பி தருமாறு பசுபதி சொல்ல, அதன்படி கொள்ளையடிக்கும் இருவரும் எதிர்பாராதவிதமாக மதுக்கடையில் பணப்பையை தொலைத்து விடுகின்றனர். இக்கட்டான சூழ்நிலையில் பசுபதி மாட்டிக் கொள்ள, இருவரும் கொள்ளையடித்த காணாமல் போன பணத்தை எப்படி திருப்பி தருவது என்று யோசிக்க, மண்டை கோளாறு (ரெடின் கிங்ஸ்லி) மூலம் ஸ்பிளிட் சூசை (ஆனந்தராஜ்), மெமரி தாஸ் (மொட்டை ராஜேந்திரன்), குடி குமார் (சுனில் ரெட்டி), டமார் லால் (ஜான் விஜய்), ஆகியோருடன் கூட்டணி சேர்ந்;து நகைக்கடையை கொள்ளையடிக்க முற்படுகின்றனர். ஆனால் அந்த திட்டம் தோல்விடைய மீண்டும் வாவ் என்ற வங்கியை கொள்ளையடிக்க திட்டமிடுகின்றனர். இதற்கான ஏற்பாடுகளை செய்து வாவ் வங்கியின் அருகில் ஒரு உணவகத்தை திறந்து, சுரங்க பாதை தோண்ட நினைக்கின்றனர். இதில் இந்த கூட்டணி வெற்றி பெற்றதா? வங்கியை கொள்ளையடிக்க முடிந்ததா? சலீமின் பணத்தை திருப்பி கொடுத்தார்களா? பாண்டியின் காதல் வெற்றி பெற்றதா? என்பதே படத்தின் எதிர்பார்த்த க்ளைமேக்ஸ்.

வைபவ், அதுல்யா ரவி, மணிகண்டா ராஜேஷ், ஆனந்தராஜ், இளவரசு, ஜான் விஜய், ரெடின் கிங்ஸ்லி, மொட்டை ராஜேந்திரன், சுனில் ரெட்டி, லிவிங்ஸ்டன், பிபின், ஷிஹான் ஹ{சைனி, சூர்யா கணபதி, சாம்ஸ் ஆகியோர் தங்கள் வேலையை சரியாக செய்துள்ளனர் என்றாலும், சிரிக்க வைக்க முடியாமல் திணறுகின்றனர்.

இமானின் இசை மற்றும் பின்னணி இசை, ஒளிப்பதிவாளர் டிஜோ டோமி காட்சி கோணங்கள்,படத்தொகுப்பாளர் சுரேஷ் ஏ பிரசாத்தின் எடிட்டிங் என அனைவரும் படத்திற்கு ஆறதலான பங்களிப்பை கொடுத்துள்ளனர்.

கேங்ஸ்டர் கதையில் காப்பீடு முறைகேடு, வங்கிக் கொள்ளையுடன், பழி வாங்க நினைக்கும் பழைய கேங்ஸ்டர் நண்பர்களின் கூட்டணியோடு காமெடி கலந்து கலகலப்பாக திரைக்கதையமைக்க படாதபட்டு முயற்சித்திருக்கின்றனர் இரட்டை இயக்குனர்கள் விக்ரம் ராஜேஷ்வர் மற்றும் அருண் கேசவ். தேர்ந்த நகைச்சுவை நடிகர் பட்டாளங்கள் இருந்தும் வலுவில்லாத தோய்வான திரைக்கதையால் சுவாரஸ்யமில்லாமல் படத்தை கொடுத்துள்ளனர்.

மொத்தத்தில் பி.டி ஜி யுனிவர்சல் சார்பில் பாபி பாலச்சந்திரன் தயாரித்திருக்கும் சென்னை சிட்டி கேங்ஸ்டர்ஸ் சிரிக்க வைக்கும் முயற்சி பலனலிக்கவில்லை.