கோப்ரா விமர்சனம் : கோப்ரா இருமுகத்தில் அசகாய சூரசம்ஹார வதம் செய்யும் ஆக்ஷன் த்ரில்லர் | ரேட்டிங்: 3.5/5

0
632

கோப்ரா விமர்சனம் : கோப்ரா இருமுகத்தில் அசகாய சூரசம்ஹார வதம் செய்யும் ஆக்ஷன் த்ரில்லர் | ரேட்டிங்: 3.5/5

நடிப்பு: சியான் விக்ரம், ஸ்ரீநிதி ஷெட்டி, இர்பான் பதான், கே.எஸ். ரவிக்குமார், ரோஷன் மேத்யூ, ஆனந்தராஜ், ரோபோ சங்கர், மியா ஜார்ஜ், மிர்னாலினி ரவி, மீனாட்சி கோவிந்தராஜன் மற்றும் பலர்
இயக்குனர்: அஜய் ஞானமுத்து
தயாரிப்பாளர்: எஸ்.எஸ்.லலித் குமார்
பேனர் : செவன் ஸ்கிரீன் ஸ்டுடியோஸ்  (seven screen studio)
இசையமைப்பாளர்கள்: ஏ.ஆர்.ரஹ்மான்
ஒளிப்பதிவு: ஹரிஷ் கண்ணன்
எடிட்டர்: புவன் சீனிவாசன்
மக்கள் தொடர்பு: யுவராஜ்
மதி (விக்ரம்)  நகரில் கணித ஆசிரியையாக பணிபுரிந்து மிகவும் சாதாரண வாழ்க்கை நடத்தி வருகிறார். ஆசிரியர் தொழில் என்றாலும் தலைமறைவாகி பெரிய குற்றங்களைச் செய்கிறார். ஒரிசாவின் முதல்வர் ஸ்காட்லாந்தின் இளவரசர் ஆகியோரின் கொலைகளுக்கு அவர் தனது கணிதத் திறமையைப் பயன்படுத்துகிறார். பல்வேறு பகுதிகளில் நடந்த இந்தக் கொலைகளுக்குப் பின்னால் உள்ள தொடர்பைக் கண்டுபிடிக்கும் இன்டர்போல் அதிகாரியான அஸ்லாம் (இர்பான் பதான்) ஐரோப்பாவிலிருந்து இந்தியாவுக்கு வருகிறார். முழுமையான விசாரணைக்குப் பிறகு கோப்ரா என்று அழைக்கப்படும் கொலையாளி பற்றிய அதிர்ச்சித் தகவல் கிடைக்கிறது. யார் இந்த கோப்ரா? அவன் ஏன் இந்தக் குற்றங்களைச் செய்கிறான்? என்பதே படத்தின் மீதிக்கதை.
விக்ரமின் கேரியரைப் பல வருடங்களாகப் பார்த்துக் கொண்டிருப்பவர்களுக்கு, ஒரு பக்கம் நட்சத்திரம், மறுபக்கம் நடிகன் என இரண்டையும் ரசிக்க முயற்சிப்பதாகத் தெரிகிறது. ஒரு நடிகராக, வழக்கமான பாத்திரங்கள் மீதான ஈர்ப்பு மற்றும் ஒரு நட்சத்திரமாக மக்களை ஈர்க்கும் முயற்சி இரண்டும் அவரிடம் தெரிகிறது. எந்த படமாக இருந்தாலும், அந்த படத்திற்காக 100 சதவீதம் அர்ப்பணிப்புடன் பணியாற்றுவது மட்டுமின்றி, இயக்குனர் கொடுத்த கதாபாத்திரத்திற்கு ஏற்றவாறு மிகவும் கடினமாக உழைக்கிறார். அவர் விரும்பியபடி உடலை மாற்றிக் கொள்கிறார். அவர் நடித்த எந்தப் படத்தைப் பார்த்தாலும் அது புரியும். இந்தப் படத்துக்காகவும் விக்ரம் கடுமையாக உழைத்துள்ளார். விக்ரம் வித்தியாசமான கெட்டப்புகளில் அவரது நடிப்பு கொஞ்சமும் குறையவில்லை. விக்ரமின் ஹாலுசினேஷன் பாயிண்ட், அவரது வித்தியாசமான கெட்அப்கள் மற்றும் தனித்துவமான நடிப்பால் ரசிகர்களை கவர்கின்றார். இருந்தாலும் விக்ரம் கதை தேர்வு விஷயத்திலும், கதை விஷயத்திலும் கொஞ்சம் ஜாக்கிரதையாக இருக்க வேண்டும்.

ஸ்ரீநிதியும், மிருணாளினியும் தங்களுக்கு வரையறுக்கப்பட்ட பாத்திரங்களுக்கு சிறப்பான நடிப்பை வெளிப்படுத்தி நியாயம் செய்திருக்கிறார்கள்.மேலும் பிரபல கிரிக்கெட் வீரர் இர்பான் பதான்  ஒரு முக்கியமான பாத்திரத்தில் இன்டர்போல் அதிகாரியாக கண்ணியமான பாத்திரத்தில் நடித்துள்ளார்.

நெகட்டிவ் ரோலில் ரோஷன் மேத்யூ தனது நடிப்பால் கவர்கிறார்.
கே.எஸ்.ரவிக்குமார, ரோபோ சங்கர், ஆனந்தராஜ், மீனாட்சி கோவிந்தராஜன் ஆகியோர் முக்கிய வேடங்களில் தங்கள் கதாபாத்திரத்தை தேவைக்கேற்ப சிறப்பாக செய்திருக்கிறார்கள்.

படத்தின் முக்கிய சிறப்பம்சங்களில் ஒன்று இசை வித்தகர் ரஹ்மானின் பின்னணி இசை. பின்னணி ஸ்கோர் காட்சிகளை வேறு லெவலுக்கு கொண்டு செல்கிறது.

டெக்னிக்கல் பிரிவில் விக்ரமின் கெட்அப் சிறப்பு குறிப்பிடத் தக்கது.
ஹரிஷ் கண்ணனின் ஒளிப்பதிவு சூப்பர். வெளிநாட்டு லொகேஷன்களில் சில காட்சிகள் பிரமாதம்.

திலீப் சுப்பராயன் மெய் சிலிர்க்கும் சண்டைக்காட்சி அனைவரையும் கவர்ந்துள்ளது.புவன் சீனிவாசன் எடிட்டிங்கில் கத்திரியை சரியாக பயன்படுத்தி இருக்கலாம். படத்தின் நீளம் பார்வையாளர்களின் பொறுமையை சோதிக்கும் என்றே சொல்ல வேண்டும்.

அஜய்யின் எழுத்தின் மூன்று முக்கிய சிறப்பம்சங்கள் கோப்ராவின் குற்றக் காட்சிகள், இன்டர்போலின் விசாரணை மற்றும் மாயத்தோற்றம் கோட்பாடு. ஒரு சோதனை வழியில், அஜய் கணிதத்தின் அடிப்படையில் ஒரு குழப்பமான ஸ்கிரிப்டை உருவாக்கி, தனது ஜம்ப் கட் திரைக்கதையால், விக்ரமை இரட்டை வேடத்தில் முக்கிய கதாபாத்திரத்தில் முழுமையாக வளர்த்து, படத்தை இயக்கிய அவர் பார்வையாளர்களின் பொறுமையைச் சோதிக்கும் வகையில் இயக்கி ரசிகர்களை ஈர்க்க தவறி விட்டார் என்றே சொல்லலாம். விக்ரம் போன்ற நட்சத்திர ஹீரோவை வைத்து படம் எடுக்கும் அருமையான வாய்ப்பை இயக்குனர் வீணடித்துவிட்டார் என்ற உணர்வு ஏற்படுகிறது. விக்ரமின் உன்னதமான நடிப்பை சரியான முறையில் பயன்படுத்த தவறிவட்டார் அஜய்.

மொத்தத்தில் செவன் ஸ்கிரீன் ஸ்டுடியோஸ் எஸ்.எஸ்.லலித் குமார் தயாரித்துள்ள கோப்ரா இருமுகத்தில் அசகாய சூரசம்ஹார வதம் செய்யும் ஆக்ஷன் த்ரில்லர்.