தந்தை-மகள் பாச உறவை வெளிப்படுத்தும் ‘அன்பிற்கினியாள்’ படத்தின் ரிலீஸ் தேதி அறிவிப்பு

மலையாளத்தில் மதுக்குட்டி சேவியர் இயக்கத்தில் கடந்த 2019-ம் ஆண்டு திரைக்கு வந்து வெற்றி பெற்ற படம் ஹெலன். தந்தை மகள் பாச உறவை மையமாக வைத்து தயாராகி இருந்தது. இந்த படம் தமிழில் ‘அன்பிற்கினியாள்’ என பெயரில் ரீமேக் ஆகி உள்ளது.

கடந்த 16 வருடங்களாக படங்களில் நடிக்காமல் இருந்த அருண் பாண்டியன், இப்படத்தின் மூலம் ரீ-என்ட்ரி கொடுத்துள்ளார். அவரது மகள் கீர்த்தி பாண்டியன் ஹெலன் கதாபாத்திரத்தில் நடித்துள்ளார்.

இந்த படத்தை கோகுல் இயக்கி உள்ளார். இவர் விஜய்சேதுபதி நடித்த இதற்குத்தானே ஆசைப்பட்டாய் பாலகுமாரா, ஜுங்கா போன்ற படங்களை இயக்கி பிரபலமானவர்.

இந்நிலையில், இப்படத்தின் ரிலீஸ் தேதி அறிவிக்கப்பட்டுள்ளது. அதன்படி வருகிற மார்ச் 5ந் தேதி இப்படம் திரையரங்குகளில் வெளியாகும் என தெரிவிக்கப்பட்டுள்ளது. இப்படத்திற்கு தணிக்கை குழு ‘யு’ சான்றிதழ் வழங்கி உள்ளது.

#Anbirkiniyal from March 5th, Get ready for the new age cinema! ❤️

A @SakthiFilmFctry release worldwide@DirectorGokul @iarunpandianc @iKeerthiPandian @javeddriaz @kav_pandian @AandPgroups @praveenraja0505 @PradeepERagav @sakthivelan_b @thinkmusicindia @proyuvraaj pic.twitter.com/i7nz2o4dIw

— kalaipoonga (@kalaipoongavij1) February 26, 2021