காதலி ஷாலினியை கரம்பிடித்தார் நடிகர் நிதின்: திருமண புகைப்படங்கள்
தெலுங்கு நடிகர் நிதின் தனது காதலி ஷாலினியை இன்று திருமணம் செய்து கொண்டார்.
கொரோனா வைரஸ் உலக மக்களை அச்சுறுத்தி வருகிறது. நாளுக்கு நாள் இதன் தாக்கம் அதிகம் ஆகிக்கொண்டே இருக்கிறது. இதன் காரணமாக வழக்கமாக உற்றார் உறவினர்களுடன் சிறப்பாக நடைபெறும் திருமணங்கள் உள்ளிட்ட சடங்குகள் எளிமையாக நடைபெற்று வருகின்றன.
பிரபலங்களின் வீட்டு நிகழ்ச்சிகளும் அவ்வாறு நடைபெற்று வருகிறது. அதன் ஒரு பகுதியாக பிரபல தெலுங்கு ஹீரோ நிதினின் திருமண நிச்சயதார்த்தம் மிக எளிமையாக சில தினங்களுக்கும் முன்பு நடைபெற்றது.
இந்நிலையில், நிதின் அவரது காதலி ஷாலினியின் திருமணம் ஐதராபாத்தில் உள்ள தாஸ் பலாக்நுமா பேலஸ் ஹோட்டலில் நடைபெற்றது.
இந்த திருமண விழாவில் இரு வீட்டாரின் குடும்பத்தினர் மட்டுமே கலந்துக் கொண்டனர்.
நடிகர் நிதினுக்கு திரையுலகினரும், ரசிகர்களும் வாழ்த்து தெரிவித்து வருகின்றனர்.
